Avropa Birliyi — Avropa Mərkəzi Bankının (ECB) prezidenti Christine Lagarde vəzifəsindən gözləniləndən daha tez ayrılmaq ehtimalı ilə gündəmə gəlib. Məlumata görə, Lagard səlahiyyət müddəti tam bitmədən istefa verməyi nəzərdən keçirir. Bu addım ECB-də rəhbərlik dəyişikliyinin daha rahat həyata keçirilməsi məqsədi daşıya bilər.
Məsələ Avropa maliyyə bazarlarında diqqətlə izlənir. Çünki Lagard Avrozona üzrə faiz qərarları və inflyasiya siyasətində əsas fiqurlardan biridir. Onun mümkün gedişi Avropa iqtisadi siyasətində yeni mərhələnin başlanğıcı kimi qiymətləndirilir.
Ekspertlər bildirir ki, belə bir dəyişiklik ECB-nin gələcək monetar siyasətinə təsir göstərə bilər. Xüsusilə faiz dərəcələri, kredit bazarı və avronun mövqeyi baxımından risklər və gözləntilər yenidən formalaşa bilər.
Hazırda ECB tərəfindən Lagardın istefası ilə bağlı rəsmi açıqlama verilməyib.
Mənbə: FinancialTimes