Venesuela Prezidenti Nikolas Maduro ABŞ-da saxlanıldığı müddətdə ölkə vətəndaşlarına dua və ümid mesajı göndərib.
Bu barədə onun oğlu, Venesuela Milli Assambleyasının deputatı Nikolas Maduro Guerra sosial şəbəkədə məlumat verib.
O bildirib ki, prezident ölkəsinə iman və ümid dolu mesaj ünvanlayıb.
Maduronun mesajında qeyd olunur: “İsa (s.v.s) deyirdi ki, əgər həqiqətən inansanız və şübhə etməsəniz, hətta dağa belə ‘yerindən qalx və dənizə çəkil’ desəniz, bu baş verə bilər. Yəni, İsa bizə öyrədib ki, əgər insan səmimi şəkildə inanarsa və şübhə etməzsə, ən çətin işlər belə mümkün ola bilər. Qoy bu səmimi iman bizə çətinlik dağlarını aşmağa və onları vətənimiz üçün azad yola çevirməyə kömək etsin”.
Xatırladaq ki, yanvarın 3-də ABŞ qüvvələri Venesuelada mülki və hərbi obyektlərə zərbələr endirib və Nikolas Maduro ilə həyat yoldaşı Silvia Floresi saxlayaraq ölkədən çıxarıblar.
Onlar yanvarın 5-də Nyu-York ştatının Cənub dairəsi federal məhkəməsi qarşısına çıxarılıb. ABŞ tərəfi onları narkotik ticarətində iştirakda ittiham edir. Maduro və həyat yoldaşı ittihamları qəbul etməyiblər.
Hazırda Venesuelada dövlət başçısının səlahiyyətlərini prezidentin səlahiyyətli nümayəndəsi Delsi Rodriges icra edir.
Mənbə: mail.ru