İranın xarici işlər naziri Abbas Əraqçi Pakistan, Oman və Rusiyanı əhatə edən rəsmi səfər turuna başlayacağını açıqlayıb.
Nazir sosial media hesabında paylaşdığı məlumatda bildirib ki, səfərlərin əsas məqsədi tərəfdaş ölkələrlə ikitərəfli məsələlər üzrə koordinasiyanı gücləndirmək və regional proseslər ətrafında məsləhətləşmələr aparmaqdır.
Əraqçi qeyd edib ki, tur çərçivəsində o, İslamabad, Maskat və Moskva şəhərlərinə səfər edəcək. Nazir vurğulayıb ki, İran üçün qonşu ölkələrlə münasibətlər prioritet təşkil edir.
İranın rəsmi xəbər agentliyi IRNA da məlumat yayıb ki, səfər bu gün axşam saatlarında başlayacaq.
Müşahidəçilərə görə, bu səfər regionda artan gərginlik fonunda İranın diplomatik fəallığını artırmaq və əsas tərəfdaşlarla əlaqələri möhkəmləndirmək məqsədi daşıyır.
Mənbə: TrtHaber