ABŞ və İsrail ilə İran arasında gərginlik davam etdiyi bir vaxtda ABŞ Prezidenti Donald Trump Tehrana yönəlik növbəti sərt açıqlama verib.
Tramp sosial şəbəkədə paylaşımında bildirib ki, İran nüvə olmayan sazişlə bağlı qərarsızlıq yaşayır:
“İran özünü toparlaya bilmir. Onlar nüvə olmayan sazişi necə imzalamağı bilmirlər. Tezliklə ağıllı olmalıdırlar”.
Atəşkəs və uğursuz danışıqlar
Xatırladaq ki, ABŞ və İsrail fevralın 28-də İran-a qarşı birgə hərbi əməliyyatlara başlamışdı. Buna cavab olaraq Tehran regiondakı ABŞ maraqlarına zərbələr endirmişdi.
Daha sonra 8 aprel tarixində Pakistan vasitəçiliyi ilə tərəflər arasında atəşkəs əldə olunsa da, İslamabadda keçirilən danışıqlar nəticəsiz başa çatıb.
Hörmüz boğazı əsas mübahisə mövzusu
Tramp bildirib ki, İranın son təklifini qəbul etməyib. Səbəb kimi isə Tehranın Hürmüz Boğazı ilə bağlı şərtlər irəli sürməsi və nüvə proqramı məsələsini gələcək danışıqlara saxlaması göstərilir.
Ekspertlərə görə, bu vəziyyət regionda gərginliyin davam edəcəyini göstərir və xüsusilə enerji bazarları üçün risk olaraq qalır.
Mənbə: AnadoluAgentliyi