Səhiyyə

35 yaşdan sonra dərini necə 10 yaş gənc göstərmək olar? – Mütəxəssislərdən tövsiyələr

Bugun.tv xəbər verir ki, mütəxəssislər 35 yaşdan sonra dərinin daha sağlam, parlaq və gənc görünməsi üçün düzgün qulluq vasitələrinin vacibliyini vurğulayıblar.

Bildirilir ki, yaş artdıqca dərinin təbii yenilənmə prosesi yavaşlayır. Bu səbəbdən turşular, vitaminlər və nəmləndirici komponentlərlə zəngin məhsullar dərinin təravətli görünməsinə kömək edir.

Mütəxəssislərin sözlərinə görə, qlikolik turşulu toniklər yumşaq pilinq effekti yaradır, ölü hüceyrələri təmizləyir və dəri tonunu bərabərləşdirir. Belə vasitələrdən istifadə etdikdən sonra səhər saatlarında SPF qoruyucu krem çəkmək tövsiyə olunur.

Retinol və niasinamid tərkibli serumların isə dərinin teksturasını hamarlaşdırdığı, hüceyrələrin yenilənməsini sürətləndirdiyi və solğun görünüşü azaltdığı qeyd edilir.

Eyni zamanda jenşen ekstraktlı ampulalar, gecə maskaları və qidalandırıcı yağların dərini daha elastik və canlı göstərdiyi bildirilir. Süd əsaslı ampulalar isə dərinin quruluğunu azaltmağa və daha parlaq görünüş yaratmağa kömək edir.

Mütəxəssislər günəşdən qoruyucu kremlərin istifadəsini də vacib hesab edir. Aloe tərkibli SPF kremlərin dərini ultrabənövşəyi şüalardan qoruduğu, qızartı riskini azaltdığı və fotoyaşlanmanın qarşısını aldığı vurğulanır.

Bundan başqa, yüngül haylayter və tonal serumların üzə daha təravətli görünüş verdiyi, yorğunluq izlərini gizlətdiyi bildirilir.

Ekspertlər qeyd edirlər ki, dərinin daha gənc görünməsi üçün mütləq radikal kosmetoloji prosedurlara ehtiyac yoxdur. Daimi qulluq, düzgün məhsul seçimi, nəmləndirmə və SPF istifadəsi əsas şərtlər hesab olunur.

Mənbə: mail.ru

Aynur Camal

Oxşar xəbərlər

Diş itkisi demensiya riskinin artması ilə əlaqələndirilib

Aynur Camal

Alimlər qan analizi olmadan bəzi sağlamlıq göstəricilərini ölçə bilən ağıllı diş ipi hazırlayıblar

Aynur Camal

ABŞ, Meksika və Boliviya qızılcanın aradan qaldırılması statusunu itirdi

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu