Bugun.tv xəbər verir ki, Nepalda alimlər göllərin çirklənməsi ilə mübarizə aparmaq üçün təbiətin özünü əsas götürən yeni üsul hazırlayıblar. Layihə çərçivəsində göllərin səthində üzən süni adalar yaradılır və onların üzərində əkilən su bitkiləri suyun təbii şəkildə təmizlənməsinə kömək edir.
Məlumata görə, üzən platformalar bambuk, strafor və kokos lifindən hazırlanır. Onların üzərinə əkilən bitkilərin kökləri suya uzanaraq göldə toplanan artıq qida maddələrini və çirkləndirici elementləri sorur. Beləliklə, su kimyəvi maddələrdən istifadə olunmadan təmizlənir.
Mütəxəssislər bildirirlər ki, bu sistem yalnız suyun keyfiyyətini yaxşılaşdırmır. Üzən adalar suda oksigen səviyyəsini artırır, balıqlar və digər su canlıları üçün daha əlverişli mühit yaradır. Vaxt keçdikcə platformaların üzərində formalaşan bitki örtüyü quşlar və kiçik canlılar üçün təhlükəsiz sığınacağa çevrilir.
Layihənin üstünlüklərindən biri də onun aşağı maliyyətli və ekoloji cəhətdən təhlükəsiz olmasıdır. Hazırda bu üsul Nepalın müxtəlif göllərində uğurla tətbiq edilir. Alimlər hesab edirlər ki, təbiətin özünü bərpa etmə potensialından istifadə edən bu yanaşma gələcəkdə çirklənmiş su hövzələrinin bərpası üçün nümunə ola bilər.
Mənbə: EnSonHaber