Bugun.tv xəbər verir ki, İspaniya millisinin 19 yaşlı ulduzu Lamin Yamal 2026-cı il FIFA Dünya Kubokunun qalibi olmaqla futbol tarixində yeni rekorda imza atıb.
İspaniya mundialın finalında Argentinanı minimal hesabla məğlub edərək ikinci dəfə dünya çempionu olub. Bu qələbə ilə Lamin Yamal həm UEFA Avropa çempionatı, həm də FIFA Dünya Kubokunu qazanan tarixdə ən gənc futbolçu adına sahib çıxıb.
Yamal daha əvvəl də Avro-2024-də İspaniya millisinin heyətində çempionluq yaşamış, turnirin ən gənc oyunçusu və Avropa çempionatları tarixinin ən gənc qol müəllifi kimi rekord müəyyənləşdirmişdi. Dünya çempionatındakı uğuru isə onun qısa müddətdə beynəlxalq futbolun ən parlaq simalarından birinə çevrildiyini bir daha təsdiqləyib.
Xarici KİV-lər qeyd edirlər ki, cəmi 19 yaşında həm Avropa, həm də dünya çempionluğu qazanan Yamal futbol tarixində yeni mərhələnin simvoluna çevrilib. Mütəxəssislər onun qarşıdakı illərdə də dünya futbolunun aparıcı ulduzlarından biri olacağını bildirirlər.
Mənbə: SportNews