Bugun.tv xəbər verir ki, gözlərin üzərinə xiyar dilimləri qoymaq uzun illərdir ev şəraitində tətbiq olunan məşhur üsullardan biri hesab edilsə də, mütəxəssislər bunun təsirinin məhdud olduğunu bildirirlər.
Gözaltı şişkinlik yuxusuzluq, həddindən artıq duz qəbulu, yorğunluq və orqanizmdə mayenin toplanması kimi müxtəlif səbəblərdən yarana bilər. Soyudulmuş xiyar dilimləri dərini sərinləşdirərək qan damarlarını müvəqqəti daraldır və şişkinliyin görünüşünü qısa müddətə azalda bilir. Lakin bu üsul problemin əsas səbəbini aradan qaldırmır.
Mütəxəssislərin fikrincə, şişkinliyi azaltmaq üçün soyuducu gel maskaları və ya kofein, yaşıl çay tərkibli hidrogel gözaltı yamaqları daha təsirli nəticə verir. Bu vasitələr həm dərini soyudur, həm də qan dövranını stimullaşdıraraq təsirin daha uzun sürməsinə kömək edir.
Əgər gözaltı şişkinlik mütəmadi olaraq təkrarlanırsa, yuxu rejiminə diqqət yetirmək, duz qəbulunu azaltmaq, kifayət qədər su içmək və başı bir qədər hündür vəziyyətdə yatmaq tövsiyə olunur. Bundan əlavə, göz ətrafına yumşaq limfodrenaj masajı etmək də artıq mayenin xaric olunmasına kömək edə bilər.
Mütəxəssislər eyni zamanda qeyd edirlər ki, xiyar dilimləri baxışlara qısa müddətli təravət versə də, uzunmüddətli nəticə üçün düzgün dəriyə qulluq və sağlam həyat tərzi daha effektiv hesab olunur.
Mənbə: mail.ru