Bugun.tv xəbər verir ki, bu gün – 1 avqust Azərbaycanda Azərbaycan Əlifbası və Azərbaycan Dili Günü kimi qeyd olunur.
Bu əlamətdar gün Ümummilli Lider Heydər Əliyevin 2001-ci il 9 avqust tarixli Fərmanına əsasən təsis edilib. Fərmanda latın qrafikalı Azərbaycan əlifbasına keçidin tam başa çatması nəzərə alınaraq hər il avqustun 1-nin Azərbaycan Əlifbası və Azərbaycan Dili Günü kimi qeyd edilməsi qərara alınıb.
Azərbaycan dili xalqımızın milli-mənəvi dəyərlərinin, tarixi yaddaşının və dövlətçiliyinin əsas sütunlarından biridir. Ana dilinin qorunması, inkişafı və gələcək nəsillərə ötürülməsi dövlət siyasətinin mühüm istiqamətlərindən hesab olunur. Bu gün münasibətilə ölkənin müxtəlif elm, təhsil və mədəniyyət müəssisələrində silsilə tədbirlər, sərgilər və maarifləndirici proqramlar təşkil edilir.