ürəyin yaşlanması, elmi araşdırma, ürək sağlamlığı, aorta qapaqları, iltihab, toxuma çapıqlaşması, Jackson Laboratory, Aging Cell
Maraqlı faktlar

Alimlər ürəyin yaşlanmasının ən çox hansı nahiyələrdə baş verdiyini müəyyən ediblər

Alimlər ürəyin yaşlanma prosesinin bütün nahiyələrdə eyni şəkildə getmədiyini aşkar ediblər. Yeni araşdırmaya görə, yaş artdıqca iltihab və toxuma çapıqlaşması ilə əlaqəli dəyişikliklər əsasən ürək əzələsində deyil, aorta qapaqları və aortanın başlanğıc hissəsində cəmləşir.

Bugun.tv xəbər verir ki, bu barədə “The Jackson Laboratory” tədqiqat mərkəzinin alimlərinin araşdırmasına istinadən məlumat yayılıb. Tədqiqatın nəticələri “Aging Cell” elmi jurnalında dərc olunub.

Alimlər araşdırma zamanı gənc və yaşlı siçanların ürəklərini müqayisə edərək minlərlə hüceyrəni təhlil ediblər. Məlum olub ki, yaş artdıqca immun hüceyrələri və birləşdirici toxumanı formalaşdıran hüceyrələr arasında qarşılıqlı əlaqə dəyişir. Bu dəyişikliklər iltihabın güclənməsi və toxumalarda çapıqlaşma prosesləri ilə müşayiət olunur.

Araşdırmada erkək və dişi siçanların ürəklərində yaşlanma ilə bağlı molekulyar dəyişikliklərin fərqli olduğu da müəyyən edilib.

Alimlər bildirirlər ki, nəticələr ürəyin yaşlanma mexanizmlərini daha dərindən anlamağa kömək edə bilər. Bununla belə, tədqiqat hələlik heyvanlar üzərində aparılıb və yeni müalicə üsulunun müəyyən edilməsi demək deyil.

Mənbə: ScienceDaily

Aynur Camal

Oxşar xəbərlər

Avstraliyada milyonlarla qırmızı xərçəng sahilə doğru köç edir

Aynur Camal

Okeanın 2442 metr dərinliyində “Qəribəliklər meşəsi” aşkarlanıb – alimləri heyrətləndirən sualtı dünya

Aynur Camal

İki yeni ulayan meymun növü müəyyən edildi

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu