Özbəkistanda 15 uşaq Hindistanda istehsal olunan kəskin respirator virus infeksiyalarına qarşı dərmanı qəbul etdikdən sonra ölüb. Söhbət sirop və həb şəklində satılan “Doc-1 Max” dərmanından gedir. Dekabrın 22-dən Özbəkistanda bu dərmanın satışı dayandırılıb, komissiya hadisənin səbəblərini araşdırır. Bəs, görəsən, sözügedən dərmanın ölkəmizdə satışı varmı?
Mövzu ilə bağlı Analitik Ekspertiza Mərkəzinin laboratoriya müdiri Çingiz Şükürov Bugun.tv-yə danışıb.
Ç.Şükürov bildirdi ki, həmin o zəhərlənməyə səbəb olan köməkçi maddələr dietilen qlükol və etilen qlükol maddələr olub. Sözügedən dərman vasitəsi “Dok-1Max” dərman vasitəsi Azərbaycanda qeydiyyatdan keçib. Lakin ölkəmizdə qeydiyyatdan keçmiş dərman vasitəsinin tərkibində sözügedən etilen qlükol və dietil qlükkol köməkçi maddələri mövcud deyil. Həmin dərman vasitəsinin tərkibində təhlükəsiz olan propilen qlükol köməkçi maddəsi var. Baxmayaraq ki, sözügedən dərman vasitəsi Azərbaycanda qeydiyyatdan keçib, lakin həmin dərman vasitəsi ölkəmizə idxal edilməyib.