ABŞ-ın keçmiş prezidenti Donald Tramp Üçüncü Dünya Müharibəsinin risklərini əsas gətirərək, tərəfləri Ukraynada hərbi əməliyyatları dayandırmağa çağırıb.
“Ukraynada davam edən döyüşə görə biz qlobal müharibə riskini daşıyırıq. Məqsədimiz dərhal hərbi əməliyyatları tamamilə dayandırmaqdır. Gecikmədən sülhə ehtiyacımız var.
Bugun.tv xəbər verir ki, o, bunu Truth Social səhifəsində yazıb.
Qeyd edək ki, daha əvvəl Tramp ABŞ prezidenti Co Baydeni bəşəriyyəti Üçüncü Dünya Müharibəsinə sürükləməkdə ittiham edib.
Xatırladaq ki, keçən ilin noyabrında keçmiş lider 2024-cü ildə keçiriləcək prezident seçkilərində iştirak edəcəyini açıqlamışdı. ABŞ-ın hazırkı lideri Co Bayden isə, yenidən seçiləcəyinə ümid edir.