Bugun.tv xəbər verir ki, Füzuli Rayon Polis Şöbəsinin əməkdaşları icazəsiz işğaldan azad edilən əraziyə keçmək istəyən şəxsi saxlayıb.
Məlumatı DİN-in Mətbuat Xidmətinin Bərdə regional qrupu yayıb. Bildirilir ki, polis əməkdaşlarının keçirdiyi tədbirlərlə Neftçala rayon sakini Qardaş Qurbanov rayon ərazisindəki stasionar postda saxlanılıb. Belə ki, o bu qanunsuz hərəkəti törətmək üçün işğaldan azad edilən ərazilərə keçmək icazəsi olan həmyerlisinin şəxsiyyət vəsiqəsinin fotosundan istifadə etmək istəyib. Q.Qurbanovun bu əməli aşkarlanaraq barəsində protokol tərtib edilib. Məhkəmənin qərarına əsasən, o 10 gün müddətinə inzibati qaydada həbs edilib.