Koronavirus epidemiyası zamanı vaksin əleyhinə ritorikası ilə tanınan Braziliyanın keçmiş prezidenti Jair Bolsonaronun evinə basqın edilib.
Bugun.tv xəbər verir ki, bu barədə Reuters xəbər agentliyi məlumat yayıb.
Braziliya polisi 2021-2022-ci illər arasında ölkənin koronavirus məlumat bazasına saxta peyvənd məlumatları əlavə etməkdə şübhəli bilinən qrupla bağlı araşdırmaya başlayıb. Siyahıda 20-yə yaxın şübhəlinin olduğu deyilsə də, onların adları açıqlanmayıb.
Bolsonaronun müşavirlərindən birinin istintaq çərçivəsində saxlanıldığı haqda məlumat yayılıb.
Qeyd edək ki, Braziliyada konqresə basqını “təhrik etdiyi” üçün istintaqa cəlb edilən Bolsonaro 30 dekabr 2022-ci ildə getdiyi ABŞ-dan martın 30-da ölkəsinə qayıdıb.
Mənbə: TRT haber