Bugun.tv xəbər verir ki, Fransanın Azərbaycandakı Fövqəladə və Səlahiyyətli səfiri Ann Buayon Gəncə şəhərində səfərdə olub. O, Vətən müharibəsi dönəmində raket atəşinə məruz qalan yaşayış massivini ziyarət edib.
Səfirə məlumat verilib ki, Vətən müharibəsi zamanında 26 dinc sakin həyatını itirib, ölənlər sırasında qadın və uşaqlarda var. Həmçinin 150 nəfər dinc sakin xəsarət alıb, infrastruktura ciddi ziyan dəyib.
Yaşananlar bir daha Ermənistan hakimiyyətinin terror siyasətinin bariz nümunəsidir. Döyüş meydanından 100 km uzaq bir şəhəri hədəfə almaqla Ermənistan bir daha öz çirkin xislətini ortaya qoymuş olub.