Bugun.tv xəbər verir ki, İranda hicab tələbinə əməl etmədiyi üçün saxlanılan və polis nəzarətində dünyasını dəyişən Məhsa Eminin atası Emced Eminiyə qarşı sui-qəsdin qarşısı alındığı bildirilib.
“Terror təşkilatlarına bağlı bir neçə şəxsin Ayçi qəbiristanlığına gedən yolda Məhsa Eminin atası Emced Eminiyə sui-qəsd cəhdinin qarşısı təhlükəsizlik qüvvələrinin müdaxiləsi ilə alınıb və şəxslər yaxalanıb”.
Digər tərəfdən müxalif xəbər mənbələri Mahsa Eminin ölümünün ildönümündə atası Emced Eminin Kürdüstan vilayətinin Sakkiz şəhərindəki evindən çıxarkən saxlanıldığını iddia edib.
İranın rəsmi agentliyi İRNA mövzu ilə bağlı xəbərində bu iddianı təkzib edərək Emininin atası və ailəsinin Sakkiz şəhərindəki evlərində olduğunu və onun nəzarətə götürülmədiyini açıqlayıb.
Sosial şəbəkələrdə Mahsa Eminin məzarının olduğu Ayçi qəbiristanlığına gedən yolların bağlandığını göstərən görüntülər paylaşılıb.