Bugun.tv xəbər verir ki, Daxili İşlər Nazirliyi Ankarada hücumu həyata keçirən terrorçulardan birinin PKK terror təşkilatının üzvü olmasının müəyyən edildiyini açıqlayıb.
Nazirlikdən verilən yazılı açıqlamada xatırladılıb ki, bu gün saat 09.26-da Daxili İşlər Nazirliyi Mühafizə Baş İdarəsi Atatürk Bulvarının girişinə avtomobillə gələn 2 terrorçu tərəfindən hücuma cəhd edilib.
Açıqlamada cəhdin qarşısının polis tərəfindən alındığı, hücuma cəhd edən 2 terrorçunun təhlükəsizlik qüvvələrinin anında reaksiyası nəticəsində zərərsizləşdirildiyi vurğulanıb.
Araşdırmalar zamanı terrorçulardan birinin separatçı terror təşkilatı PKK üzvü olduğu müəyyən edilib. Digər terrorçunun müəyyən edilməsi istiqamətində işlər davam etdirilir.
Mənbə: TRT Haber