Bugun.tv xəbər verir ki, İsrailin oktyabrın 7-dən blokadada olan Qəzza zolağına hücumlarında ölənlərin sayı 15 min 207-yə yüksəlib. Qəzza Səhiyyə Nazirliyinin sözçüsü Əşrəf əl-Qudra mətbuata açıqlamasında Qəzzada son vəziyyətlə bağlı məlumat verib. Kudra, 40 min 652 nəfərin yaralandığını bildirib. Nazirlik sözçüsü həmçinin qeyd edib ki, Qəzzada İsrail qüvvələri tərəfindən saxlanılan Şifa xəstəxanasının direktoru və 31 tibb işçisi ağır humanitar şəraitdə dindirilib və işgəncələrə məruz qalıb. İsrail qüvvələri noyabrın 23-də Şifa xəstəxanasının direktoru Məhəmməd Əbu Silmiyye və bir qrup səhiyyə işçisini saxlayıb.
Müxbir: Şəms Elnurqızı