Bugun.tv xəbər verir ki, Rusiyada casusluq ittihamı ilə saxlanılan ilk Cənubi Koreya vətəndaşı Vladivostokdan Moskvaya aparılıb. Hüquq-mühafizə orqanlarındakı mənbə TASS-a bildirib.
“Casusluq işinin araşdırılması zamanı Cənubi Koreya vətəndaşı Baek Von-soon müəyyən edilərək Vladivostokda saxlanılıb və məhkəmənin qərarı ilə həbs edilib. O, əlavə istintaq üçün Vladivostokdan Moskvaya aparılıb”, – mənbə bildirib.
Cənubi Koreya vətəndaşı bu ilin əvvəlində Vladivostokda saxlanılıb. Fevralın sonunda Moskvaya köçürülüb. O, hazırda Lefortovo təcridxanasında saxlanılır. Bazar ertəsi Lefortovski Məhkəməsi onun həbsini 3 ay, iyunun 15-dək uzadıb.
Hüquq-mühafizə orqanlarındakı mənbənin sözlərinə görə, Baek Von-soon məxfi məlumatları xarici kəşfiyyat orqanlarına təhvil verirdi. Əcnəbinin cinayət işinin materiallarına “tam məxfi” damğası vurulub.
Müxbir Qaytən Qasımzadə
Mənbə lenta.ru