İsrailin 245 gündür hücumlarını həyata keçirdiyi Qəzzada ölənlərin sayı 36 min 731-ə yüksəlib.
İsrail ordusunun Qəzza zolağına 2023-cü il oktyabrın 7-dən bu yana həyata keçirdiyi hücumlarda ölənlərin sayı son 24 saatda 77 nəfər artaraq 36 min 731-ə çatıb.
Qəzzada Fələstin Səhiyyə Nazirliyindən verilən açıqlamada İsrailin Qəzza zolağına 245 gündür hücumları ilə bağlı məlumat verilib.
İsrail ordusunun son gündə Qəzzanın müxtəlif bölgələrində 8 “qırğın” həyata keçirdiyi və bu hücumlarda daha 77 fələstinlinin həyatını itirdiyi, 221 fələstinlinin isə yaralandığı bildirilib.
İsrailin oktyabrın 7-dən etibarən Qəzza zolağına təşkil etdiyi hücumlarda ölənlərin sayının 36 min 731-ə, yaralıların sayının isə 83 min 530-a yüksəldiyi qeyd edilib.
Açıqlamada dağıntılar altında və yol kənarında hələ də cəsədlərin olduğu, lakin tibb qruplarının və mülki müdafiə işçilərinin cəsədlərə çata bilmədiyi də qeyd edilib.
Mənbə: Ahaber