İraqın şimalında yerləşən İraq Kürd Regional Rəhbərliyinin (KRQ) Ərbil şəhərində neft emalı zavodunda yanğın baş verib.
Ərbil-Guyer yolunda yanacaq paylama qurğusu və bitum anbarının da daxil olduğu neft emalı zavodunda axşam saatlarında güclü yanğın baş verib. Yaxınlıqdakı yanğınsöndürənlər yanğının yanacaq çənlərinə keçməsinin qarşısını almaq üçün müdaxilə edib. Bildirilib ki, hələlik səbəbi məlum olmayan yanğın yanğınsöndürənlər tərəfindən böyük səy nəticəsində söndürülüb.
Yanğında can itkisinin olmadığı, çox sayda yanacaq daşıyan maşının sürücülərinin canlarını qurtarmaq üçün hadisə yerini tərk etdiyi öyrənilib.
Yanğının səbəblərini öyrənmək üçün araşdırma başlansa da, Ərbil Mülki Müdafiə Müdirliyi hələlik yanğının səbəbi ilə bağlı açıqlama verməyib.
Mənbə: Haber Global