Dünya

AB-nin Meta ilə bağlı araşdırması

Avropa Birliyi, Facebook və Instagram-ın sahibi Metaya qarşı platformalarında aldadıcı reklamlar və dezinformasiya ilə mübarizə kimi sahələrdə Birlik qaydalarına əməl edilmədiyi səbəbi ilə araşdırma başlatdı.

Avropa İttifaqı (Aİ) Komissiyası Meta-nın Aİ Rəqəmsal Xidmətlər Qanununu (DSA) pozub-pozulmadığını müəyyən etmək üçün rəsmi araşdırmaya başlanıldığını açıqlayıb.

“Şübhəli pozuntulara Meta-nın xidmətlərindəki aldadıcı reklam və siyasi məzmunla bağlı siyasət və təcrübələri daxildir”, – bəyanatda deyilir.

Açıqlamada Meta-nın qarşıdan gələn Avropa Parlamenti (AP) seçkiləri öncəsi effektiv seçki müşahidə sistemi qurmadığı vurğulanıb və şirkətin xidmətlərdə qeyri-qanuni məzmunu qeyd etmək və bildirmək mexanizmlərinin AB qaydalarına uyğun olmadığı qeyd edilib.

Aİ rəqəmsal platformalara qlobal dövriyyənin 6 faizinə qədər cərimə tətbiq edə bilər.

Bəyanatda bildirilib ki, komissiya əlavə məlumat və sübutların toplanmasına davam edəcək və bu mərhələdən sonra Meta bu sahələrdə gördüyü tədbirlər barədə məlumat verməlidir.

Aİ-nin qəbul etdiyi qanuna əsasən, əsas rəqəmsal platformalar ciddi qaydalara tabedir. Aİ qaydaları pozan rəqəmsal platformalara qlobal dövriyyəsinin 6 faizinə qədər cərimə tətbiq edə bilər.

AP seçkiləri 6-9 iyun 2024-cü il tarixlərində keçiriləcək.

Aİ rəqəmsal platformaların seçkilərdən əvvəl saxta xəbərlər və dezinformasiya ilə mübarizədə addımlar atacağını gözləyir.

Mənbə: TrtHaber

Aynur Camal

Oxşar xəbərlər

Yəmənə yeni zərbələr endirildi

Kəmalə Sultan

Xarkov vilayətində 64 yaşayış məntəqəsi işıqsız qalıb

Aynur Camal

Fransa baş nazirinin iqamətgahına boyalı hücum olub

Aynur Əfəndi Zadə

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu