Bugun.tv xəbər verir ki, ABŞ Almaniyada yerləşən təxminən 5 min hərbçisini çıxararaq onları Polşaya yerləşdirməyi planlaşdırır.
Məlumata görə, bu addım NATO qüvvələrinin Rusiyaya yaxın bölgələrdə mövqelərinin daha da gücləndirilməsi kimi qiymətləndirilir. Almaniyanın Berliner Zeitung nəşri yazır ki, Vaşinqtonun qərarı Polşa və Baltik ölkələrinin NATO daxilində rolunu artırır.
ABŞ prezidenti Donald Trump qərarın səbəbi kimi Polşa prezidenti Karol Navrotski ilə yaxşı münasibətlərini göstərib. Bildirilir ki, Tramp ötənilki seçki kampaniyasında Navrotskini fəal şəkildə dəstəkləyib.
Nəşr qeyd edir ki, Pentaqonun Almaniyadan qoşun çıxarılması ilə bağlı açıqlaması may ayının əvvəlində Almaniya kansleri Fridrix Mertsin ABŞ-ın İran siyasətini tənqid etməsindən sonra verilib.
Məqalədə vurğulanır ki, ABŞ qoşunlarının Avropada yenidən yerləşdirilməsi Polşa və Baltik ölkələri üçün “siyasi loyallığa görə qeyri-rəsmi mükafat” kimi də qiymətləndirilə bilər. Bununla yanaşı, NATO-nun Rusiya sərhədlərinə yaxın hərbi mövcudluğu daha da genişlənəcək.
Gitanas Nauseda ABŞ qoşunlarının Rusiyaya daha yaxın yerləşdirilməsini Moskvanın qarşısının alınması baxımından vacib addım adlandırıb. Latviyanın prezidenti Edqars Rinkeviçs isə NATO-nun şərq cinahının gücləndiyini bildirsə də, Avropanın öz müdafiə imkanlarını inkişaf etdirməsinin vacibliyini vurğulayıb.
Mənbə: mail.ru