Bugun.tv xəbər verir ki, ABŞ Dövlət Departamentinin sözçüsü bəzi respublikaçı millət vəkilləri tərəfindən bloklanan 75 milyon dollarlıq fondun fələstinli qaçqınlara çatdırılması üçün Konqreslə danışıqları davam etdirdiklərini bildirib.
ABŞ Dövlət Departamentinin sözçüsü fələstinli qaçqınlara ərzaq yardımı üçün ayrılan fond pulunu Birləşmiş Millətlər Təşkilatının Fələstin Qaçqınlar Agentliyinə (UNRWA) çatdırılması üçün ABŞ Konqresi ilə əlaqə saxladıqlarını bildirib.
“Dövlət Departamenti həssas fələstinlilərə ərzaq yardımını davam etdirməyi hədəfləyən 2023-cü maliyyə ili üçün Təxsisatlar Aktına əməl etməyə razılıq verdi. Artan qida və nəqliyyat xərclərinə cavab olaraq Qərb Şəriyə və Qəzzaya təqdim olunan vəsaitlə bağlı konqreslə danışıqları davam etdirir”, – məlumatda qeyd olunub.
Xatırladaq ki, 1949-cu ildə BMT Baş Assambleyası tərəfindən İordaniya, Suriya, Livan, İordan çayının qərb sahili və Qəzzada fələstinli qaçqınlara yardım etmək üçün yaradılan UNRWA 5,6 milyon fələstinli qaçqına xidmət edir.
Müxbir: İntizar Əmirova