ABŞ hüquq-mühafizə orqanları Kaliforniya ştatında Yeni il gecəsi üçün planlaşdırıldığı iddia edilən terror aktının qarşısını aldıqlarını açıqlayıblar.
Federal Təhqiqat Bürosunun (FBI) məlumatına görə, bombalı hücum hazırlığında şübhəli bilinən 4 nəfər saxlanılıb və onların yaşayış yerlərində partlayıcı maddələrə aid sübutlar aşkarlanıb.
Rəsmilər bildiriblər ki, əməliyyat uzunmüddətli kəşfiyyat izləməsindən sonra həyata keçirilib və hücumun ictimai yerləri hədəf alması ehtimalı olub. Hazırda istintaq davam edir, şübhəlilərin mümkün əlaqələri araşdırılır. ABŞ rəsmiləri vətəndaşlara bayram tədbirləri zamanı təhlükəsizlik qaydalarına diqqət etməyi tövsiyə ediblər.
Mənbə: WashingtonPost