Bugun.tv xəbər verir ki, ABŞ-da federal hökuməti maliyyələşdirəcək büdcə qanun layihəsinin hələ qüvvəyə minməməsi Nümayəndələr Palatasında gərginliyə səbəb olub. Büdcə qanun layihəsi hələ də qüvvəyə minmədiyi üçün hökumət bazar günündən etibarən bağlanma ehtimalına hazırlaşır. Son on ildə dördüncü bağlanma hava səyahətindən tutmuş milli parklara, toylardan tutmuş qida xidmətlərinə qədər hər şeyə əhəmiyyətli dərəcədə təsir göstərə bilər. Hökumət işçilərinin əksəriyyəti məzuniyyətə buraxılacaq və əməliyyatlar dayandırılacaq. Konqres hələ də oktyabrın 1-də başlayacaq yeni maliyyə ilinin büdcəsi ilə bağlı konsensus əldə etməyib. Bazar günü başlayacaq “bağlantı” ölkədə federal qurumlar tərəfindən göstərilən bir çox xidmətlərdə ləngiməyə və fasilələrə səbəb olacaq. Nümayəndələr Palatasının sədri respublikaçı Makkarti tərəfindən Nümayəndələr Palatasının gündəliyinə gətirilən və federal hökumətin oktyabrın sonuna qədər müvəqqəti maliyyələşdirilməsini nəzərdə tutan büdcə layihəsinə səsvermə keçirilib. Respublikaçıların prioritetləri olan xərclərin azaldılması və sərhəd təhlükəsizliyinin təmin edilməsi kimi məsələlərin yer aldığı büdcə layihəsi Nümayəndələr Palatasında 198 səs əleyhinə 232 səslə rədd edilib.
Müxbir: Şəms Elnurqızı