Bugun.tv xəbər verir ki, Sakit okeanda güclənən El Niño hadisəsi müasir müşahidələr tarixində ən yüksək temperatur göstəricilərindən birinə çatıb.
The Guardian-ın məlumatına görə, El Niño-nun əsas bölgəsində temperatur anomalı 3,05 dərəcəyə yüksəlib. Bu göstərici 2015-ci ilin noyabrında qeydə alınmış 3,02 dərəcəlik əvvəlki rekorddan yüksəkdir. Alimlər hadisənin hələ pik həddinə çatmadığını bildirirlər. Mövcud proqnozların orta göstəricisinə əsasən, temperatur anomalının noyabr-dekabr aylarında 4 dərəcəyə qədər yüksəlməsi mümkündür.
Tədqiqatçılar bildirirlər ki, El Niño təbii iqlim hadisəsidir, lakin insan fəaliyyətinin yaratdığı qlobal istiləşmə onun təsirlərini daha da gücləndirir. Nəticədə dünyanın müxtəlif bölgələrində daha güclü istilər, quraqlıq, meşə yanğınları və sel hadisələri yarana bilər.
Hazırda İndoneziyada meşə yanğınları və hava çirklənməsi artıb, Hindistanda musson yağışları zəifləyib, Mərkəzi Amerika və Karib hövzəsində isə quraqlıq kənd təsərrüfatına təsir edir. Ümumdünya Ərzaq Proqramı El Niño-nun təxminən 50 milyon insanı kəskin ərzaq çatışmazlığı riski ilə üzləşdirə biləcəyini bildirib.
Alimlər həmçinin 2027-ci ilin əvvəlki temperatur rekordlarını keçərək ən isti il ola biləcəyini proqnozlaşdırırlar.
Mənbə: The Guardian