İngiltərənin cənubundakı Uayt adasına bərabər olan 380 kvadrat kilometrlik aysberqin Antarktidada materikdən ayrıldığı bildirilib.
Antarktika qitəsindəki Brunt Buz Şelfindən son 3 ildə Paris və London kimi şəhərlərdən daha böyük parçaların ayrıldığı bilinərkən, ən son ayrılan aysberqin Uayt adasının böyüklüyündə olduğu ifadə edilib.
Antarktidada araşdırma aparan İngilis elm təşkilatı British Antarctic Survey (BAS) Brunt Ice Shelf üzərindəki Halley Araşdırma Stansiyasındakı buz alimlərinin verdiyi açıqlamada, yeni ayrılan parçada ilk çatların meydana gəldiyi ifadə edildi.
Buz alimi Oliver Marsh, aysberqin üzərinə yerləşdirdikləri qlobal yerləşdirmə sistemi (GPS) vasitəsilə xəbərdarlıq aldıqlarını ifadə edərək, “Bir saat ərzində bir neçə yüz metrlik bir hərəkət aşkar etdik. Bu, aysberqin ayrıldığının ən böyük göstəricisi idi” deyib.
BAS-ın paylaşdığı peyk görüntülərində aysberqin su ilə əhatə olunduğu və qitədən ayrıldığı görülüb.
Bu arada, 2017-ci ildən Brunt Buz Şelfində yerləşən Halley Araşdırma Stansiyasının buz alimlərinin son illərdə baş verən hərəkətlərdən narahat olduqları bildirilib.
Mənbə: Ntv.Tr