İspan dilli versiya ABŞ prezidenti Donald Trampın andiçmə mərasimindən sonra Ağ Evin saytından yoxa çıxıb. İspan dilində vebsayta girdiyiniz zaman 404 xətası (səhifə tapılmadı) göstərilir.
Əvvəlcə ispandilli sayta daxil olan zaman istifadəçilərə “Evə get” mesajı göstərilirdi. Bu ifadə saytın ana səhifəsinə qayıtmaq deməkdir, lakin hərfi mənada “Evə get” kimi tərcümə oluna bilər. Daha sonra düymə “Əsas səhifəyə keç” olaraq dəyişdirildi.
Inauqurasiya nitqi zamanı cənab Tramp Amerika tarixində qeyri-qanuni miqrantların “ən böyük deportasiya əməliyyatını” həyata keçirmək niyyətində olduğunu açıqladı. O, Meksika ilə sərhəddə fövqəladə vəziyyət tətbiq edəcəyini və ordunu ora göndərəcəyini vəd edib.
Mənbə: mail.ru