Bugun.tv xəbər verir ki, Avropa Komissiyası Avropa İttifaqına gələcəkdə qoşulacaq ölkələr üçün 15 illik xüsusi nəzarət mexanizminin yaradılmasını təklif edib.
Təklifə əsasən, yeni üzv dövlət Aİ-nin demokratik prinsiplərindən ciddi şəkildə geri çəkilərsə, onun səsvermə hüququnun və bəzi maliyyə imkanlarının müvəqqəti dayandırılması mümkün olacaq.
Avropa Komissiyası bu mexanizmlə Aİ-yə yeni üzvlərin qəbulundan sonra demokratik standartların qorunmasını gücləndirməyi hədəfləyir. Təklif xüsusilə Ukrayna, Moldova, Albaniya və Monteneqronun Aİ-yə üzvlük perspektivlərinin gündəmdə olduğu bir vaxtda irəli sürülüb.
Hazırda Aİ-nin 27 üzvü bu təkliflə bağlı razılığa gəlməlidir. Komissiyanın təşəbbüsünün əsas məqsədlərindən biri yeni üzv ölkələrin sonradan birlik daxilində demokratik qaydalardan uzaqlaşmasının qarşısını almaqdır.
Mənbə: EuroNews