Bugun.tv xəbər verir ki, Malatyada alışqanını qazla doldurarkən anidən alovlanan qaz balonunun partlaması nəticəsində bir nəfər xəsarət alıb.
Malatyanın Yaşılyurd rayonunda yerləşən Kiçik Sənaye Sahəsinə gələn müştəri Yalçın Çölsüz alışqanını qazla doldurmaq istəyərkən qəfildən qaz balonu alovlanıb və partlayıb.
Saat 09.00 radələrində baş verən partlayış nəticəsində Yalçın Çölsüz yaralanarkən, hadisə yerinə polis, sağlamlıq və xilasetmə qrupları çağrılıb.
Yaralıya hadisə yerində ilkin tibbi yardım göstərilib və Malatya Təhsil və Araşdırma Xəstəxanasına aparılıb.
Hadisə ilə bağlı araşdırma aparılır.