16 C
Baku
28 Mart 2024, 17:03
Baş xəbərİqtisadiyyat

“Almaniyaya səfər iqtisadi əlaqələrimizi daha da gücləndirəcək”

Azərbaycan ilə Almaniya arasında iqtisadi əlaqələrin qeyri-neft sektoru üzrə daha da inkişaf etməsi potensialı kifayət qədər böyükdür. Bu baxımdan, Azərbaycan Prezidenti İlham Əliyevin Almaniyaya işgüzar səfəri iki ölkə arasındakı iqtisadi əlaqələrin daha da dərinləşməsinə xidmət edəcək.

Bugun.tv  xəbər verir ki, bu barədə deputat Vüqar Bayramov deyib.

O bildirib ki, Avropa İttifaqının aparıcı ölkələrindən olan Almaniya 3,85 trilyon dollar ÜDM ilə dünyada 4-cü, “köhnə qitə”də isə ən böyük iqtisadi gücdür. Azərbaycan ilə Almaniya arasında iqtisadi əlaqələr artım dinamikası ilə inkişaf edir. 2020-ci ildə ölkələrimiz arasında xarici ticarət dövriyyəsi 817 milyon 622 min dollar idisə, ötən il bu rəqəm 1 milyard 257 milyon dollaradək yüksəlib. Son iki ildə ticarət həcmini 54 faizə yaxın artıran tərəflər ötən il ümumi dövriyyəni qoruyub saxlayıblar.

“Almaniyanı təmsil edən şirkətlər Azərbaycan iqtisadiyyatında aktivdirlər. Təbii ki, qarşılıqlı sərmayə qoyuluşlarında potensial daha böyükdür. Xüsusən də, Almaniya şirkətləri texnologiya və innovasiya transferi baxımından böyük imkanlara malikdirlər”, – deyə V.Bayramov qeyd edib.

Aynur Camal

Oxşar xəbərlər

Narkotik əməliyyatında 7 nəfər nəzarətə alındı

Bugün TV

Yol qəzasına düşən İbrahim Tatlısəs xəstəxanaya yerləşdirilib – YENİLƏNİB

Aynur Camal

Qazıntı maşını dayanmış avtomobillərin üzərinə aşdı

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu