Bugun.tv xəbər verir ki, Nova-C eniş aparatı Ayın orbitinə daxil olub. Bu barədə Amerikanın Intuitive Machines şirkəti məlumat yayıb.
Manevrləri tamamladıqdan sonra kosmik gəmi 92 kilometr yüksəklikdə Ayın orbitində olub. Hazırda Nova-C Yerin təbii peykinin səthinin bir neçə şəklini alıb. Nova-C-nin Aya yumşaq enişi fevralın 23-də planlaşdırılıb.
Şirkət daha əvvəl bildirmişdi ki, Nova-C modulu Ay orbitinə çıxmazdan əvvəl planlaşdırılan üç trayektoriya korreksiyasından ikincisini həyata keçirib.
Intuitive Machines-in Nova-C modulu ilə təchiz edilmiş Falcon 9 raketi fevralın 15-də Florida ştatındakı Kennedi Kosmik Mərkəzindəki Launch Complex 39A-dan buraxılıb.
IM-1 missiyası çərçivəsində modul Ayın cənub qütbündən 300 kilometr aralıda yumşaq eniş etməlidir. Orada iki həftəyə qədər işləməlidir.
Müxbir Qaytən Qasımzadə
Mənbə lenta.ru