Əldə olunan şanlı qələbədən sonra ən mühüm vəzifə həmin ərazilərdə minadan təmizlənmə işlərinin aparılmasıdır. Ermənistanın mina xəritələrini verməməsi prosesi çətinləşdirirdi. ANAMA bu il də minlələrlə hektar ərazini minalardan təmziləyib.
İşğaldan azad edilən ərazilərdə ANAMA tərəfindən 2020-ci ildən bu günə qədər 27 min hektar ərazi təmizlənib. 44 min 100 mina və partlamamış hərbi sursat aşkar edilərək zərərsizləşdirilib.Tapıntıların təxminən 52%-i tank və piyada əleyhinə minalardan ibarət olub.
Mövzu ilə bağlı ANAMA əməliyyat İdarəsinin rəisi İdris İsmayılov Bugun.tv-yə açıqlamasında bildirdi ki, hazırda böyük lahiyələr üzrə işlər aparılır.
ANAMA rəsmisi onu da qeyd etdi ki, Füzuli,Zəngilan və Ağbənd avtomobil yolu, həmçinin dəmir yolu, o cümlədən Füzuli, Şuşa avtomobil yolu, həm Zəfər yolu digər 6 zolaqdan ibarət yolun təmizlənməsi işləri görülür. Digər tərəfdən Talış istiqamətində olan avtomobil yolu, Çaylı və Suqovuşan avtomobil yolu, Bərdə və Ağdam dəmir yolu, həmçinin avtomobil yolu da ANAMA tərəfindən təmizlənib.
“Böyük Qayıdış” planına uyğun olaraq, həmin ərazilərdə yeni yaşayış məntəqələrinin salınması, infrastrukturun bərpası, yolların çəkilişi, məktəb, xəstəxana tikintisi sürətlə davam edir. Cari ildə təxminən 8 min hektardan yuxarı ərazi məhz yaşayış məntəqələri üzrə mina və partlamamış sursatlardan təmizlənib və aidiyyəti üzrə ərazidə tikinti və bərpa yenidənqurma işlərinə cəlb olunan qurumlar və təşkilatlara təhvil verilib. Növbəti illərdə Füzuli, Cəbrayıl və digər ərazilərdə də yaşayış infrastruktur üzrə təmizlənmiş ərazilərdən əlavə olaraq ərazilər təmizlənəcək və böyük qayıdışa agentlik tərəfindən böyük töhvə veriləcək.
Cari il ərzində 278 mina partlama hadisəsi baş verib. Nəticədə 233 nəfər bədən xəsarəti alııb, 45-i isə həlak olub.