Rusiya, Ukrayna və Türkiyənin İnsan Hüquqları üzrə Müvəkkilləri Tatyana Moskalkova, Dmitri Lubinets və Şeref Malkoç Ankarada görüşüblər. Onlar görüşə “21-ci əsrdə insan hüquqlarının gələcəyi” beynəlxalq konfransı çərçivəsində başlayıblar.
Bugun.tv-nin məlumatına görə, ombudsmanlar Ukraynada zərərçəkənlərə yardım göstərmək və ailələri birləşdirmək üçün humanitar dəhliz yaradılması məsələsini müzakirə etməyi planlaşdırırlar.
“Taxıl dəhlizindən sonra ailələrin, qadınların, uşaqların və yaralıların birləşməsi üçün bir dəhliz açmaq niyyətindəyik”, – Malkoç deyib.
Moskalkova rusiyapərəst fikirlərinə görə təqib olunan Ukrayna vətəndaşlarının ona çoxsaylı müraciətlərinin olduğuna diqqət çəkib.
Mənbə:TASS