Bugun.tv xəbər verir ki, birjalarda arabika növlü qəhvənin qiyməti kəskin ucuzlaşaraq 2024-cü ilin noyabr ayından bəri ən aşağı səviyyəyə enib.
Ticarət məlumatlarına əsasən, iyul fyuçersləri üzrə arabika qəhvəsinin qiyməti bir funt üçün 2,6370 dollara qədər geriləyib. Bu isə təxminən bir ton üçün 5815 dollar deməkdir.
Məlumata görə, bir neçə dəqiqə əvvəl qiymət daha da aşağı düşərək bir funt üçün 2,6325 dollar, yəni ton başına təxminən 5804 dollar olub. Analitiklər bildirirlər ki, bu göstərici 13 noyabr 2024-cü ildən bəri qeydə alınan ən aşağı səviyyədir.
Arabika qəhvəsinin qiymətində eniş artıq ikinci aydır davam edir. May ayının əvvəlindən qəhvə 7,7 faiz ucuzlaşıb. Aprel ayında isə qiymətlərdə 4,3 faizlik azalma qeydə alınıb.
Bu ayın əvvəlində qəhvənin qiyməti psixoloji hədd hesab edilən ton başına 6 min dollar səviyyəsindən də aşağı düşmüşdü. Bu hal sonuncu dəfə 2024-cü ilin noyabrında müşahidə olunmuşdu.
Ekspertlər dünya bazarında qiymət dəyişikliklərinin qəhvə istehsalı, tədarük həcmi və investor davranışları ilə əlaqəli olduğunu bildirirlər.
Mənbə: mail.ru