Bugun.tv xəbər verir ki, NetBlocks İran ərazisində internetin artıq 80 gündən çoxdur ki, demək olar tamamilə əlçatmaz olduğunu açıqlayıb.
Qurumun X sosial şəbəkəsində paylaşdığı məlumata görə, İranda internetin kəsilməsi 81-ci gününə daxil olub.
NetBlocks bildirib ki, bu hadisə indiyədək dünyada qeydə alınan ən uzunmüddətli ölkə miqyaslı internet kəsintisi hesab olunur.
Məlumata əsasən, ölkədə internet bağlantısının məhdudlaşdırılması nəticəsində milyonlarla istifadəçi qlobal şəbəkəyə çıxış imkanını itirib. İnternetin kəsilməsi həm gündəlik həyat, həm də iqtisadi və informasiya mübadiləsinə ciddi təsir göstərir.
Rəsmi Tehran məsələ ilə bağlı geniş açıqlama verməyib.
Mənbə: TASS