Bundesver (Almaniya Silahlı Qüvvələri) Almaniyanın şimal-qərbindəki Aşağı Saksoniya federal əyalətinin su basmış ərazilərində fövqəladə xidmətlərə kömək etməyə hazırlaşır.
Bugun.tv xəbər verir ki, bu barədə “Der Spiegel” jurnalı yazıb.
Nəşrin məlumatına görə, Hannover hakimiyyəti ərazi komandanlığına kömək üçün sorğu göndərib. Nəticədə altı helikopter hazır vəziyyətə gətirilib. Helikopterlər bəndlərin qorunmasına kömək etmək üçün nəzərdə tutulub. Bəndlər dağılarsa, helikopterlər tikinti materialları olan konteynerləri yerə atacaq. Məqsəd bəndlərin dağılmasının qarşısını almaq və su axınını yavaşlatmaqdır.