Diametri təxminən 30 metr olan asteroid Yerə Ay məsafəsindən də daha yaxın məsafədən keçəcək.
NASA tərəfindən verilən açıqlamada bildirilib ki, kosmik cismin Yer üçün heç bir təhlükə yaratmadığı təsdiqlənib. Buna baxmayaraq, hadisə astronomlar və kosmos tədqiqatçıları tərəfindən yaxından izlənilir.
Mütəxəssislərin sözlərinə görə, bu tip yaxın keçidlər Günəş sistemi daxilindəki asteroidlərin hərəkət trayektoriyasını daha dəqiq öyrənmək baxımından mühüm əhəmiyyət daşıyır.
Qeyd olunub ki, hadisə həmçinin planetlərin təhlükəsizliyi və kosmik cisimlərin monitorinqi mövzusunda aparılan araşdırmalara əlavə məlumat qazandıracaq.
Mənbə: RBC Trends