Bugun.tv xəbər verir ki, Atlantik okeanı üzərində əmələ gələn tropik “Li” qasırğasının yaxın günlərdə 4-cü kateqoriyaya çevriləcəyi gözlənilir. ABŞ Milli Qasırğa Mərkəzinin verdiyi açıqlamada hazırda fırtınanın sürətinin saatda təxminən 100 kilometr olduğu, ancaq küləyin sürətinin yaxın günlərdə saatda təxminən 230 kilometrə çata biləcəyi bildirilib. Açıqlamada, fırtınanın təsir edəcəyi yerləri dəqiq müəyyənləşdirməyin hələ tez olduğu, Tropik Li Fırtınasının Karib dənizindəki adalara çatmasının gözlənildiyi bildirilib. Tropik Li Fırtınası quruya çatarsa, “dağıdıcı zərərin olacağı” qeyd edilən açıqlamada, fırtınanın yaxın günlərdə 4-cü kateqoriya qasırğaya çevrilməsinin gözlənildiyi bildirilib. ABŞ Milli Okean və Atmosfer İdarəsi builki qasırğa mövsümünün normadan yüksək olacağı barədə xəbərdarlıq edərək, 14-21 fırtınanın gözlənildiyini bildirib. Gözlənilən tufanlardan 6-dan 11-dək qasırğaya, 2-dən 5-dək isə böyük qasırğaya çevrilməsi ehtimalı var. 1-ci kateqoriyaya aid edilən qasırğalar küləyin sürəti saatda 118-153 kilometr, 5-ci kateqoriyaya aid olan qasırğalar isə ən azı saatda 249 kilometr küləyin sürətinə malikdir.
Müxbir: Şəms Elnurqızı