Avropa İttifaqı (Aİ) 2027-ci ilin sonuna qədər Rusiyadan təbii qaz idxalını tamamilə dayandırmağa hazırlaşır.Rusiya ilə Ukrayna arasındakı müharibə Avropa ölkələrinə də mənfi təsir edib.
Rusiyaya qarşı tətbiq edilən sanksiyalar nəticəsində təbii qaz baxımından çətinlik yaşayan Aİ ölkələri Rusiyadan asılılığını azaltmağa başlayıb.
Bununla bağlı addımlar atılır.Avropa İttifaqı (Aİ) Komissiyası Rusiyadan enerji idxalının mərhələli şəkildə dayandırılması üçün hazırlanmış yol xəritəsini dərc edib.
Aİ RUSİYADAN TƏBİİ QAZ VƏ NEFT ALMAYACAQ
Müvafiq olaraq, Aİ Rusiyadan təbii qaz və neft idxalını dayandıracaq.
Rusiyanın nüvə enerjisi də mərhələli şəkildə dayandırılacaq. Beləliklə, onun Rusiya enerjisindən asılılığına son qoyulacaq.
Aİ təhlükəsiz enerji təchizatını təmin etmək üçün tədbirlər görəcək. Komissiya Rusiya enerji idxalının mərhələli və razılaşdırılmış şəkildə dayandırılmasını təmin etmək üçün üzv dövlətlərlə işləyəcək.
Üzv dövlətlər bu ilin sonuna qədər Rusiya qazı, nüvə enerjisi və neftinin idxalını mərhələli şəkildə dayandırmaq üçün milli planlar hazırlayacaqlar.
Aİ bazarlarında Rusiya qazının şəffaflığı və izlənilməsi təkmilləşdiriləcək.
Boru kəməri və mayeləşdirilmiş təbii qaz (LNG) tədarükü üçün Rusiya qaz tədarükçüləri ilə yeni müqavilələr bağlanacaq. Bütün cari spot bazar razılaşmaları 2025-ci ilin sonuna kimi ləğv ediləcək. Beləliklə, Rusiyanın Aİ-yə qaz nəqli daha da azalacaq.
Aİ Komissiyası 2027-ci ilin sonuna qədər qalan bütün Rusiya qaz idxalını dayandırmaq üçün qanun layihəsi təklif edəcək.
Aİ-nin neft sanksiyalarından yan keçmək və müəyyən edilmiş qiymət həddini aşmaq üçün yaradılan Rusiyanın kölgə donanmasına qarşı yeni tədbirlər görüləcək.
Rusiyadan zənginləşdirilmiş uranın idxalına dair tədbirləri və Euratom Təchizat Agentliyi tərəfindən Rusiyadan uran, zənginləşdirilmiş uran və digər nüvə materiallarının tədarükü müqavilələrinə məhdudiyyətləri özündə əks etdirən təklif olunan tənzimləmə gələn ay elan ediləcək.
Aİ-nin tibbi radioizotoplarla təchizatını təmin etmək üçün Avropa Radioizotop Vadisi Təşəbbüsü yaradılacaq.
Aİ QAZININ 45 FAİZİNİ RUSİYADAN TƏMİN EDİRDİ
Aİ 2021-ci ildə qazının 45 faizini Rusiyadan tədarük edirdi. Aİ-nin Rusiyadan qaz tədarükü keçən il 19 faizə düşüb.
2022-ci ildə 27 faiz olan Aİ-nin neft idxalında Rusiyanın payı son vaxtlar 3 faizə düşüb.
Digər tərəfdən, Rusiya kömürünün Aİ-yə idxalı tamamilə qadağan edilib. Aİ ölkələrində Rusiya istehsalı olan nüvə reaktorlarının operatorları alternativ təchizatçılarla nüvə yanacağı üçün müqavilələr imzalayıblar.
Mənbə: Anadolu Agentliyi (AA)