Avstraliyada bu həftə Broken Hill yaxınlığındakı Menindee Weir hovuzunda çoxlu ölü balıqların üzdüyünü göstərən video ortaya çıxıb.
Bugun.tv-i xəbər verir ki, bu barədə CNN -filialı olan 9News yazıb.
İlkin Sənaye Departamentinin (DPI) məlumatına görə, isti hava səbəbindən çay qalxıb, və nəticədə daşqın düzənliyindən qida və üzvi maddələrlə yanaşı, sazan və sümüklü siyənək də daxil olmaqla, “əhəmiyyətli həcmdə” balıq növləri məhv olublar.
“Bu balıq ölümləri, daşqın suları azaldıqca suda oksigen səviyyəsinin aşağı olması (hipoksiya) ilə əlaqədardır”- məlumatda yazılıb.
İqlim dəyişikliyi pisləşdikcə və qlobal temperatur yüksəlməyə davam etdikcə Avstraliyada da isti dalğalar daha tez-tez intensivləşir. Mütəxəssislər və dövlət qurumları Avstraliyada həddindən artıq yağış və istilərdə daha təhlükəli hadisələrin, yanğınların ola biləcəyini öncədən xəbərdarlıq ediblər.