ABŞ-ın yüksək rütbəli hərbi komandanlarının İran və İsrail ilə gərginlik fonunda yeni hərbi variantlarla bağlı ABŞ Prezidenti Donald Trump-a bu gün brifinq təqdim edəcəyi iddia olunub.
Axios platformasının məlumatına görə, ABŞ Baş Qərargah rəisi Dan Caine və Mərkəzi Komandanlığın (CENTCOM) rəhbəri Brad Cooper Trampa hərbi vəziyyət və mümkün əməliyyat ssenariləri barədə məlumat verəcəklər.
Məlumata əsasən, brifinqdə İran əleyhinə mümkün hərbi planlar müzakirə olunacaq. Ssenarilər arasında İranın infrastruktur hədəflərinə yönəlmiş genişmiqyaslı hücumların hazırlanması da yer alır.
Həmçinin iddia edilir ki, CENTCOM müzakirələrdəki dalanı aşmaq üçün İran ərazisinə qarşı yeni hərbi addımlar planlaşdırır.
Digər bir variant isə Hörmüz boğazının bir hissəsinin “nəzarət altına alınması” və ticarət fəaliyyətinə açılmasıdır. Bu əməliyyatın hətta quru qoşunlarını da əhatə edə biləcəyi bildirilir.
Mənbə: Anadolu Agentliyi