Azərbaycanda Birinci Türkoloji Qurultayın 100 illiyinə həsr olunan “Türk Dünyası Həftəsi” başlayıb.
Bugun.tv xəbər verir ki, bu gün Bakıda start götürən həftə Azərbaycan Prezidenti İlham Əliyevin “Birinci Türkoloji Qurultayın 100 illik yubileyinin keçirilməsi haqqında” 22 oktyabr 2025-ci il tarixli Sərəncamına uyğun olaraq keçirilir.
Elm və mədəniyyət mövzusunda silsilə tədbirləri əhatə edən “Türk Dünyası Həftəsi” iyulun 3-dək davam edəcək.
Tədbir Mədəniyyət Nazirliyi, Azərbaycan Milli Elmlər Akademiyası (AMEA) və Elm və Təhsil Nazirliyinin birgə təşkilatçılığı ilə, Türk Dövlətləri Təşkilatı, TÜRKSOY, Bakı Dövlət Universiteti, Türk Akademiyası, Türk Mədəniyyəti və İrsi Fondunun tərəfdaşlığı ilə keçirilir.
Mənbə: Mədəniyyət Nazirliyi