Bugun.tv xəbər verir ki, Suraxanı rayonu Hövsan qəsəbəsi, Rüfət Abdullayev küçəsində moped sürücüsü yolu keçən azyaşlı qızı vurub. Hadisədən sonra nəmalum şəxs heç bir yardım göstərmədən hadisə yerindən uzaqlaşıb. Qəzadan sonra ağır xəsarətlər alan azyaşlıya tibbi müdaxilə edildilib. Müayinədən sonra azyaşlının vəziyyəti normallaşıb.
Suraxanı Rayon Polis İdarəsinin əməkdaşları hadisə ilə bağlı əməliyyat tədbirləri keçirib. Əməliyyat-axtarış tədbirləri nəticəsində qəzanı törədən mopedin sürücüsü saxlanılıb .Onun əvvəllər də məhkum olunmuş Aydın Mahmudov olduğu müəyyən edilib. O, ifadəsində kuryer şirkətlərindən birində işlədiyini bildirib. Həmçinin, qəzadan sonra polisdən yayınmaq məqsədi ilə idarə etdiyi mopedi satdığını vurğulayıb.
Faktla bağlı Suraxanı Rayon Polis İdarəsində Cinayət Məcəlləsinin müvafiq maddəsi ilə cinayət işi başlanılıb. Hadisə ilə bağlı istintaq tədbirləri davam etdirilir.