Dünyada və əsasən də Rusiyada qəhvə qiymətlərinin artması istehlakçı vərdişlərini dəyişməyə başlayıb. Son aylarda insanlar ənənəvi qəhvə əvəzinə daha ucuz və praktik variant olan dırip-paketlərə (birdəfəlik filtrli qəhvə paketləri) üstünlük verirlər.
Məlumata görə, bu paketlərdə üyüdülmüş qəhvə hazır filtr formasında təqdim olunur və evdə və ya ofisdə xüsusi aparat olmadan tez dəmlənə bilir.
ONLAYN SATIŞLAR ARTIB
2026-cı ilin yanvarında Rusiyanın iri onlayn platformalarından Ozon üzərindən dırip-qəhvə sifarişlərinin həcmi 4,2 milyon rubla çatıb. Bu isə göstərir ki, məhsul artıq sadəcə trend deyil, qənaət məqsədli alternativə çevrilib.
QƏHVƏ MƏDƏNİYYƏTİ EVƏ KEÇİR
Statistikaya görə, hazırda Rusiyada əhalinin 58%-i qəhvəni evdə içməyə üstünlük verir, yalnız 16%-i isə kafelərə gedir.
Chizhik Index məlumatına əsasən, 2025-ci ilin yayında qəhvənin orta qiyməti 12% artaraq 830 rubl olub. Taxıl qəhvənin orta çeki isə 1508 rubla yüksəlib.
NİYƏ DİRİP-Paketlər POPULYARDIR?
Mütəxəssislərin fikrincə, dırip-paketlər:
- xüsusi aparat tələb etmir
- az yer tutur
- hazır qəhvədən daha keyfiyyətli ev alternativi kimi qəbul edilir
- daha ucuz başa gəlir
Bu səbəbdən insanlar qəhvəxanalardan daha çox ev və ofis istifadəsinə keçir.
QİYMƏTLƏRİN ARTIM SƏBƏBİ
Qlobal bazarda qəhvə qiymətlərinin yüksəlməsi Brazil və Vietnam kimi əsas istehsalçı ölkələrdə məhsuldarlıq problemləri ilə əlaqələndirilir. Bundan əlavə, kafelərin icarə, əmək haqqı və vergi xərcləri də qiymət artımına təsir göstərir.
Mənbə: mail.ru