Bugun.tv xəbər verir ki, Yaponiyada baş nazir Kişida Fumioya ötən ay hücumda şübhəli bilinən Kimura Ryuji üç ay müddətində psixiatrik müayinədən keçəcək.
Baş nazir Kişidanın keçən ay seçki kampaniyası üçün getdiyi Vakayamada onun yerində tüstü bombasının atılması ilə bağlı istintaq davam edir.
Vakayamada yerli məhkəmə hücumdan sonra tutulan şübhəli Kimura Ryujinin 3 ay müddətində psixiatrik müayinədən keçiriləcəyini açıqlayıb.
Qərar prokurorların vəsatəti əsasında qəbul edilib. Müayinə zamanı şübhəlinin hücumla bağlı psixi tarazlığı hərtərəfli araşdırılacaq.
Xatırladaq ki, aprelin 15-də Vakayamada Kişidanın seçki çıxışı edəcəyi yerdə partlayış səsi eşidilib.
Yerli mətbuatda əksini tapan videoda Kişidanın olduğu yerə gümüş silindrli boruya bənzər bir növ tüstü bombasının atıldığı bildirilir.
Bildirilib ki, Kişidə xəsarət almadan hadisə yerindən təxliyə edilib, biri polis əməkdaşı olmaqla iki nəfər yüngül xəsarət alıb.
Hadisə ilə bağlı Hyoqo əyalətinin Kavanişi şəhərində qeydiyyatda olan 24 yaşlı Kimura Ryuji saxlanılıb.
Mənbə: TRThaber