“Bavariya” qarşıdakı mövsüm üçün qapıçılarla bağlı çətin vəziyyətə düşüb.
Bugun.tv xəbər verir ki, bu barədə jurnalist Florian Plettenberq “Twitter”də yazıb.
Onun sözlərinə görə, 2022-ci ilin dekabrında xizək sürərkən zədə alan komandanın əsas qapıçısı Manuel Noyer sağalmağa başlayır.
Onun sağalmasında müəyyən irəliləyiş olduğu vurğulanır ki, bu da məşqçilər korpusunda məmnunluqla qeyd edilir.
Ancaq Noyerin avqustun 18-də Bundesliqada keçiriləcək “Bavariya”nın ilk oyununa kimi tam sağalacağı məlum deyil.
Bu səbəbdən də “Bavariya” hələ də Yan Sommeri “İnter”ə satmağa razı olmayıb.
Qeyd edək ki, sözügedən klubun digər qapıçısı Aleksandr Nübel də tezliklə icarə əsasında klubdan ayrılmağa hazırlaşır.