Qəhvə gündəlik həyatda ən çox istifadə olunan içkilərdən biridir. Lakin mütəxəssislər bildirir ki, onun həddindən artıq qəbulu bəzi vitamin və mineralların orqanizmdə mənimsənilməsinə mane ola bilər.
Qəhvə hansı vitaminlərə təsir edir?
1. Vitamin D
Vitamin D sümük sağlamlığı və immun sistem üçün vacibdir. Araşdırmalar göstərir ki, kofein bu vitaminin hüceyrələr tərəfindən mənimsənilməsini azalda bilər. Bu da kifayət qədər vitamin qəbul olunsa belə, onun təsirinin zəifləməsinə səbəb olur.
2. Dəmir
dəmir qanda oksigenin daşınması üçün əsas elementdir. Qəhvə isə onun mənimsənilməsini ciddi şəkildə azaldır. Məsələn, bir fincan qəhvə ətin tərkibindəki dəmirin sorulmasını təxminən 40%-ə qədər azalda bilər.
3. Kalsium
kalsium sümüklər və dişlər üçün vacibdir. Qəhvə kalsiumun orqanizmdə saxlanmasını zəiflədir və xüsusilə qadınlarda sümük əriməsi riskini artıra bilər.
Problemdən necə qorunmaq olar?
Mütəxəssislər sadə qaydalara əməl etməyi tövsiyə edir:
- Qəhvəni vitamin və mineral qəbulundan ən azı 1 saat əvvəl və ya sonra için
- Gündəlik qəhvə miqdarını 2 fincandan çox etməyin
- Qidalanmada vitamin və minerallarla zəngin məhsullara üstünlük verin
Nəticə olaraq, qəhvədən tam imtina etməyə ehtiyac yoxdur. Sadəcə onu düzgün vaxtda və ölçüdə qəbul etmək vacibdir ki, orqanizm lazım olan faydanı itirməsin.
Mənbə: mail.ru