Bugün.tv xəbər verir ki, BMT Baş Assambleyasının sədri Abdulla Şəhidin rəhbərlik etdiyi nümayəndə heyəti Azərbaycana səfərə gəlib.
Bazar ertəsi nümayəndə heyəti Bakıda Şəhidlər Xiyabanını ziyarət edib.
Nümayəndə heyəti Azərbaycanın müstəqilliyi və suverenliyi uğrunda canlarından keçmiş qəhrəman Vətən övladlarının xatirəsini ehtiramla yad edib, “Əbədi məşəl” abidəsinin önünə əklil qoyub.
Şəhidlər xiyabanının tarixi və Azərbaycanın paytaxtında aparılan abadlıq-quruculuq işləri barədə məlumatlandırılan nümayəndə heyəti Bakının panoramik mənzərəsini seyr ediblər.
